Ézaro

A 2 km da casa está a fervenza do río Xallas, de 40 metros de altura. O Xallas, único río europeo que desemboca en caída ao mar, foi canalizado por medio dunha presa, pero os domingos do verán, ao mediodía, ábrense as comportas.

Tamén podemos subir ao miradoiro para ver a desembocadura do Xallas e contemplar en toda a súa magnitude o impresionante Monte Pindo.

O Monte Pindo

Unha ruta de sendeirismo de ascensión á Moa, cunha subida de nivel medio de aproximadamente dúas horas e media de duración, ten o seu punto de partida a 50 metros da casa.

O Pindo é o máis mítico dos montes galegos, coas súas lendas, sacrificios, excomuñóns, petroglifos, ritos de fecundidade, fortalezas, etc.

Contemplaremos ademais as estrañas formas das súas rochas, nas que adiviñaremos monstros, animais...

Corcubión

Vila histórica, conxunto histórico-artístico e municipio de interese turístico. O casco histórico e o trazado da vila é o mellor conservado de toda a "Costa da Morte". Na segunda quincena de xullo celébrase un dos mercados medievales máis importantes da provincia de A Coruña.

Faro Fisterra

A fin do mundo. Está todo dito. Divisámolo desde as terrazas e fiestras da casa. Veremos a caída do sol.

Praia de Carnota

A 10 km da casa está a praia de Carnota, a máis longa de Galicia e entre as mellores do mundo.

Se non nos queremos desprazar, temos a praia de San Pedro, de fina e branca area, no mesmo lugar do Pindo, a menos de 50 metros da casa.